Dreams come true

Би энэ үгийг хэлэх дуртай. Учир нь хүсэл мөрөөдөлгүй хүн юу хийж яах гэж амьдрах билээ. Намайг бага байхад би үргэлж л бусдаас доор юм шиг, би тэд нарт хэрэггүй юм шиг л санагддаг байж билээ. Энэ дэлхий хүний хүсэл мөрөөдөлийг үгүй хийхийн тулд тэр хүнийг бусдад огт хэрэггүй мэтээр ойлгуулахыг хичээдэг.Бид өөрсөдөө энэ бодлыг хүлээж аваад шаналах хэрэггүй юм байна лээ. Хэн нэгэнд хэрэггүй хүн гэж байхгүй шүү дээ.Би өөртөө Цэко чи томоор хар, энэ бүтэхгүй юм шиг байсан ч түүнийг чи томоор хар гэж өөртөө олон дахин удаа давтан хэлж байсан минь саяхан. Энэ л үед би хүсэл мөрөөдлөө олж авахын тулд тэмцэж байж дээ. Өнөөдөр би өнгөрүүлсэн богинохон амьдарлаа харж байхад зарим мөрөөдөл минь биелж, заримийх нь захаас зуураад явж байх юм. Мөрөөдөл биелдэг юм хүмүүсээ!!! Мөрөөдөлд хүрэхийн тулд та юу хийж байгаа вэ гэдгээс чинь мэдээж шалтгаална шүү дээ.